Bu RWE yn llwyddiannus yn nhendr Alwen yn 2017 – ymarfer a gynhaliwyd gan Cyfoeth Naturiol Cymru a Dŵr Cymru ar gyfer opsiwn i ddatblygu prosiect ynni adnewyddadwy yng Nghoedwig Alwen yng ngogledd Cymru.

Mae RWE yn gweithio gydag Ynni Cymunedol Cymru i ddatblygu cynllun rhanberchnogaeth ar gyfer y prosiect hwn sydd wedi’i leoli yng Nghyngor Bwrdeistref Sirol Conwy a Chyngor Sir Ddinbych, gerllaw Llyn Brenig a Chronfa Ddŵr Alwen, o fewn coedwigaeth weithredol a reolir gan Cyfoeth Naturiol Cymru ar dir sy’n eiddo i Dŵr Cymru.

Mae’r cynnig ar gyfer fferm wynt hyd at naw tyrbin gydag uchafswm uchder blaen y llafn o 200m, cysylltiad grid a system storio ynni batris. Yn dibynnu ar y tyrbin terfynol a ddewisir, byddai’r trydan posibl a gynhyrchir yn cyfateb i anghenion hyd at 70,600** o gartrefi yn y DU.

Ers lansio ei gynigion, mae RWE wedi gweithio’n agos gyda’r gymuned ac wedi ymgynghori’n helaeth. Roedd hyn yn cynnwys ymgynghoriad anffurfiol ym mis Ionawr 2020. Rydym hefyd wedi cynnal asesiadau ac arolygon helaeth ar y safle, wedi cynnal trafodaethau â phartïon â diddordeb, wedi cynnal ymgynghoriad cyhoeddus anffurfiol ac wedi casglu llawer iawn o wybodaeth werthfawr.

Statws: Yn cael ei ddatblygu

Rydym yn cynnal yr Ymgynghoriad Cyn Ymgeisio ffurfiol statudol ar ein cynlluniau ar gyfer Fferm Wynt a Chysylltiad Grid Coedwig Alwen rhwng 13 Rhagfyr 2023 a 7 Chwefror 2024.

Yn ystod yr ymgynghoriad, gwnaethom gynnal dwy arddangosfa galw heibio lle roedd y cyhoedd yn gallu gweld y dogfennau cynllunio, siarad â'r tîm a rhoi adborth.

Ar ôl adolygu'r holl adborth a dderbyniwyd yn ystod yr ymgynghoriad, mae'r tîm wedi cyflwyno cais cynllunio i Benderfyniadau Cynllunio ac Amgylchedd Cymru (PCAC). Mae'r cais hwn bellach wedi'i dderbyn i'w ystyried gan PCAC.

Cliciwch ar y ddolen isod i weld y dogfennau cynllunio a gyflwynwyd.